Zindgi Ki Raahon Men Baarha Ye Dekhai Hai

Zindgi Ki Raahon Men

Baarha Ye Dekhai Hai

Sirf Sun Nahi Rakha

Khud Bhi Aazmaya Hai

Tajribon Se Saabit Hai

Jo Bhi Parhtay Aayen Hain

Us Ko Thek Paya Hai

Is Tarha Ki Baton Se

Manzilon Se Pehlay Hi

Saath Choot Jaatay Hain

Log Rooth Jaatay Hain

Ye Tumhen Bta Doon Main

Chaahaton K Rishtay Men

Phir Gira Nahi Lagti

Lg Bhi Jaaye To Us Men

Wo Kashish Nahi Hoti

Ek Pheeka Pheeka Sa

Raabta To Hota Hai

Taazgi Nahi Rehti

Rooh K Taalluq Men

Zindgi Nahi Rehti

Baat Wo Nahi Banti

Dosti Nahi Rehti

Laakh Baar Mil Kr Bhi

Dil Kabhi Nahi Miltay

Zehn K Jhrokon Men

Yaad K Dareechon Men

Titliyon K Rangon Men

Phool Phir Nahi Khiltay

Is Liye Main Kehta Hoon

Is Tarha Ki Baaton Men

Ehtiyat Krtay Hain

Is Tarha Ki Baaton Se

Ejtinaab Krtay Hain.