Kabhi Kitabon Mein Phool Rakhna,

Kabhi Kitabon Mein Phool Rakhna,

Kabhi Darakhton Py Naam Likhna...,*

Humein Bhi Hai Yaad AaJ Tak Wo
Nazar Sy HarF-E-Salam Likhna,

Wo Chand Chehre Wo Behki Batein...,*

Sulagte Din Thy Mehakti Ratein,

Wo Chote Chote Sy Kagzon Par
Mohabbaton K Payam Likhna...,*

Gulab Chehron Sy Dil Lagana Wo Chupke Chupke Nazar Milana,

Wo Arzuon K Khuwab Bunna
Wo Qisa-E-Natamam Likhna...,*

Mere Nagar Ki Hasin Fizao Kahin Jo Un K Nishan Paao,

To Puchna Ye Kahan Base Ho
Kahan Hain Un Ka Qayam Likhna...,*

Gai Ruton Mein Hassan Humara
Bus Ek Hi To Ye MaShgala Tha,

Kisi K Chehre Ko Subah Kahna
Kisi Ki ZulFon Ko Shaam Likhna...,*