Itni Muddat Bad Mile Ho

Itni Muddat Bad Mile Ho

Kin Sochon Mein Gum Ho...?

Itne Khayef Kyon Rehte Ho...?

Her Aahat Se Darr Jaate Ho

Taiz Hawa Ne Mujh Se Poocha

Rait Pe Kya Likhte Rehte Ho...?

Kaash Koi Hum Se Bhi Pooche

Raat Gaye Tak Kyon Jaage Ho....?

Main Darya Se Bhi Darta Hoon

Tum Darya Se Bhi Gehre Ho

Kon Si Baat Hai Tum Mein Aisi

Itne Ache Kyon Lagte Ho...?

Peeche Mur Ker Kyon Dekha Tha

Pathar Ban Ker Kya Takte Ho...?

Jaao Jeet Ka Jashan Manaao

Main Jhoota Hoon Tum Suche Ho

Apne Sheher Ke Sub Logon Se

Meri Khatir Kyon Uljhe Ho...?

Kehne Ko Rehte Ho Dil Mein

Phir Bhi Kitne Door Khare Ho

Raat Humain Kuch Yaad Nahin Tha

Raat Bohat Hi Yaad Aaye Ho

Humse Na Poocho Hijar K Qisse

Apni Kaho Ab Tum Kaise Ho...?

Mohsin Tum Badnaam Bohat Ho

Jaise Ho Phir Bhi Ache Ho-